Markaðsumhverfi Filippseyja

,,Útrásarorðið er slíkt töframerki  að jafnvel þegar menn virðast gera innrás í opinber fyrirtæki almennings, þá er innrásin kölluð útrás."

Davíð Oddsson seðlabankastjóri 
á fundi Viðskiptaráðs 6. nóvember 2007.

Útrás Orkuveitu Reykjavíkur (OR) sem er að fullu í eigu sveitarfélaga hefur á undanförnum árum einkennst af kynningarstarfsemi á verkefnum okkar í jarðhitavirkjun, sala á ráðgjöf og stuðningur við verkefni sem að hafa verið skilgreind sem þróunarverkefni.   Félögin sem hafa staðið í þessari útrás OR (Enexog fleiri) hafa enn sem komið er ekki skilað OR neinum arði.  Verkefni hafa verið í El Salvador (þar sem m.a. morð var framið á starfsmanni Enex), hönnunarvinna á virkjun í Þýskalandi,  aðkoma að verkefni í USA (óljóst hversu mikill þáttur Enex er þar), rannsóknarverkefni í Ungverjalandi, verkefni í Kína til að byggja upp jarðvarmahitakerfi í Xianyang og ýmsar þarfagreiningar fyrir fleiri aðila.

Nú eru allir sammála um að umfang þessarar þjónustu gæti aukist verulega enda búið að marka ákveðin spor í kynningu á þekkingu og umhverfisvænum orkugjöfum landsins.  Hins vegar er að mínu mati alveg ljóst að næsta skref í að selja þjónustu með það að markmiði að hagnast vel á henni er að fara í fjárfestingar á orkuverum, breyta þeim í grænni og betri orkuver, stækka þau og selja aftur.   Þannig yfirfærist þekking okkar á arðbærastan hátt.   Þetta er til dæmis það sem félagið Geysir Green Energy ætlar að gera til að verða arðbært fyrir hluthafa.

Það þarf hins vegar að huga vel að því hvar er fjárfest.   Við viljum síður vera þátttakendur í verkefnum sem erfitt er að verja pólitískt og alls ekki  að lenda í umhverfi eins og Enex lenti í í El Salvador.   Filippseyjar eru vafasamar að mínu mati og ég hef áhyggjur af þessum fjárfestingum.   Við þekkjum öll sögurnar af spillingarmálum fyrrum forseta Filippseyja, Joseph Estrada og nýlegri náðun hans af hendi núverandi forseta Arroyo.  Til viðbótar má geta þess að í úttekt Transparency International á spillingu þjóða voru Filippseyjar númer 131 af 180 löndum, samhliða Íran, Líbýu og Nepal.

 

 

 

Íslenska tilboðið það hæsta í filippseyska orkufyrirtækið

Athugasemdir

[Heimir Lárusson Fjeldsted, 21.11.2007 kl. 16:53]

Við þekkjum líka innrásir í íslensk fyrirtæki svo sem byggingavöruverslanir o.fl.

[Sigurður Viktor Úlfarsson, 21.11.2007 kl. 23:28]

Nú þykir mér Davíðinn vera farinn að kasta steinum úr glerhúsinu við Sæbrautina!  Hann hefur nú átt sína spretti í sértækum aðgerðum gegn fyrirtækjum sem voru honum ekki þóknanleg.

Hvað stjórnmálaástandið á Filippseyjum áhrærir þá héldu allir að það yrði vandamál útrásarinnar.  Það reyndist hins vegar óþarfi að sækja vatnið yfir lækinn.

[Bjarni Kjartansson, 22.11.2007 kl. 11:19]

ÞAð er því mikilvægt, að þið standið vel í ístæðinu gegn einhverskonar skiptum á hlutabréfum í GGE og REI.  ÞAð er ekkert annað en hlægilegt, að fulltrúar, sem fóru mikinn gegn þessu í tíð fyrri meirihluta, láti svonalagað við gangast bar af því að nú eru þau komin í stjórnaraðstöðu.

 Menn munu fylgjast mjög vel með og kjósendur munu HEIMTA skýringar á breyttri skoðun sinna fulltrúa.

Hér er beittasta vopnið háð í garð þeirra sem meðst tóku uppí sig í þessu SAMA máli áður.

Miðbæjaríhaldið