Tíðinda að vænta?

Á morgun er aukafundur í borgarráði vegna málefna OR og seinna er svo eigendafundur OR.   Það lítur út fyrir að fyrir liggi einhvers konar niðurstaða í málum OR, REI og GGE sem ég sem borgarfulltrúi hef ekki séð.   Ætlar nýi meirihlutinn sem ætlaði að koma með öll skjölin fram og hafa allt lýðræðislegt ekki að fjalla um þessar ákvarðanir í borgarstjórn?  Hvaða tillaga er þetta sem Margrét kynnti á borgarráðsfundinum?  Hvað annað hefur verið lagt til annað en að staðfesta ógildingu eigendafundarins?   Af hverju má ekki leggja þessa tillögu fram í borgarstjórn?   Ætlar nýr meirihluti að éta allt sem þau sögðu sem minnihluti?

,,Vilhjálmur Þ. Vilhjálmsson, fulltrúi sjálfstæðismanna, lagði fram bókun þar sem óskað er eftir skriflegum rökstuðningi og skýringum vegna tillögu borgarstjóra. Þá óskaði Vilhjálmur eftir, að tillaga um niðurstöðu í málum REI og GGE, sem lögð hafi verið fyrir stýrihóp um málefni OR og Margrét Sverrisdóttir, forseti borgarstjórnar hafi kynnt á borgarráðsfundinum sem sáttatillaga í málinu, verði lögð fram á aukafundi borgarráðs á morgun."

Lagt til að leitað verði sátta í máli Svandísar gegn OR

Athugasemdir

[Heimir Lárusson Fjeldsted, 16.11.2007 kl. 16:26]

Alltaf leiðist mér jafnmikið að sjá j á undan ii.

[Sigurður Viktor Úlfarsson, 17.11.2007 kl. 01:14]

Það voru engin tíðindi af þessum fundi hjá OR nema þau að annar eigendafundur verði haldinn 23. nóvember. Þá gæti nú verið von á tíðindum. Þarna er annar fundur boðaður með lögformlegum vikufresti sem þýðir að fólk ætlar sér væntanlega að ganga frá samningum við GGE í vikunni sem aftur þýðir að væntanlega er búið að leggja drög að þeim samningum, það á bara eftir að opinbera þá.

Er ekki annars eigendafundur í REI á morgun? Þá má búast við tíðindum. Það eru tíðindi ef Bjarni Ármannsson gefur skít í draslið og yfirgefur þetta sökkvandi skip og það eru líka tíðindi ef hann gerir það ekki. Þá þýðir það að enn telur hann vera von til þess að bjarga REI frá ótímabærum dauðdaga.