Nýjar útfærslur

Það er nú ekki nema rétt rúm vika síðan að áhugasamir Fossvogsbúar áttu viðtal hjá fyrrverandi borgarstjóra, Vilhjálmi Þ. Vilhjálmssyni, um þetta mál.   Þessir nágrannar mínir eru með mjög skemmtilegar hugmyndir um laug í dalinn og nokkrar nýstárlegar útfærslur.  Ég fagna því að þetta mál fari á hreyfingu hjá nýjum borgarstjóra enda teljum við Fossvogsbúar að dalurinn verði enn eftirsóttara útivistarsvæði ef laug kemur hingað.   Fossvogsskóla sárlega skortir laug til að kenna í en börnin eru að fara í rútum eftir skólatíma í Breiðholtslaug.

Ég verð samt að segja að mér finnst nýr meirihluti ekki mikið vera að horfa til þess að borgarsjóður stendur höllum fæti.   Að mínu mati eru laugar ekki forgangsverkefni þó ég styðji málið.   Við tókum við borgarsjóði í 7 milljarða króna halla eftir kosningar og tókum ærlega til hendinni.   Áætlanir voru um að gatið yrði 4 milljarðar um næstu áramót en stefndi í 1 milljarð.   Þessi lína heyrist ekki hjá hinum nýja meirihluta, þ.e. að spara eigi í rekstri og ná niður skuldahalanum.

Sundlaug í Fossvog

Athugasemdir

[Auddi (IP-tala skráð) 21.10.2007 kl. 02:12]

Tekin!

[sæmundur (IP-tala skráð) 21.10.2007 kl. 11:08]

Það er gott að heyra að þú skulir taka undir það að sundlaug verði byggð í Fossvogi . Sigurður Geirdal sá ágæti framsóknarmaður og Bæjarstjóri í kópavogi barðist fyrir þessu síðasta kjörtímabilið sitt , sem hann lifði

[Kári Harðarson, 21.10.2007 kl. 11:19]

Voðalega liggur mönnum á!  Þar sem ég bjó í Danmörku var aðal sundlauginni í austurbæ Kaupmannahafnar lokað vegna skorts á viðhaldi.  Það var ekki til peningur í fjárlögum til að laga hana, og hún var lokuð í fjögur ár þar til ný fjárlög höfðu verið samþykkt þar sem gert var ráð fyrir viðgerðum á henni.

Þessi eina laug átti að sinna sundþörf fjórðungs Kaupmannahafnarbúa.  Ég er hræddur um að Reykvíkingar hefðu ekki sætt sig við þennan seinagang.

Mér finnst ekki merkilegt þótt einhver tími líði frá því einhver fær hugmynd að nýrri laug þangað til hún stendur tilbúin.  Sjö ár eru eðlilegur tími, myndi ég segja.

[Uppalinn Fossvogsbúi (IP-tala skráð) 21.10.2007 kl. 15:40]

Afhverju er það betra að búa í eftirsóttu umhverfi? Ég vil bara hafa fossvoginn eins og hann hefur alltaf verið s.s fullan af krökkum og lífi. Ríka fólkið er byrjað að flytja hingað í hollum og sumir ganga það langt að rífa niður hús og byggja ný í staðinn. Það er þróun í vitlausa átt.

[María Anna P Kristjánsdóttir, 21.10.2007 kl. 16:41]

Umræða um sundlaug í Fossvoginn er ekki ný á nálinni,Guðmundur Jónsson sem var formaður Hverfafélags Bústaðar,Fossvogs og Smáíbúðahverfis til margra ára var margbúinn að tala um þetta við yfirvöld í mörg ár,siða eru tveir  formenn búnir að vera síðan Guðmundur hætti og hafa þeir haldið baráttunni áfram.Mér finnst þetta hálf súrt að nýr meirihluti tekur málið upp eins og þeir hefðu fundið upp hjólið.

[Sigurður Viktor Úlfarsson, 21.10.2007 kl. 17:54]

Gott að þú skulir vera farin að ræða um málefni en ekki bara gráta það sem liðið er.  Það var kominn tími til.

Er líka sammála þér, þetta er góð hugmynd en ef allar vikur nýja meirihlutans verða jafn dýrar og sú fyrsta þá held ég að það geti orðið hart í búi hjá Reykvíkingum þegar líða tekur á.

[Jón (IP-tala skráð) 9.11.2007 kl. 10:40]

Það er verið að byggja fyrir neðan Sléttuveginn, þar ætti sundlaugin að vera !