Af borgarstjórnarfundi

Borgarstjórnarfundur stendur enn yfir og búið er að ræða hlutafélagavæðingu Orkuveitunnar og húsafriðun á Laugaveginum.   Nú stendur hins vegar yfir umræða um starfsmannamál borgarinnar og grunnþjónustu við foreldra og börn.   Í ljós komu fram skýrar pólitískar línur þegar ég sem formaður leikskólaráðs lagði til að við þyrftum að ræða um kerfisbreytingar á umhverfi yngstu barna þar sem ekki væri hægt að reka miðstýrt kerfi leikskóla í markaðsdrifnu hagkerfi þar sem slegist er um fólk.  Svandís Svavarsdóttir, oddviti VG kom með skýrar línur á móti og sagði skatta of lága og hækka þyrfti skatta til að búa betur að kennurum og starfsfólki skóla í landinu.  

Þarna eru skýrar pólitískar línur sem ber að virða sem slíkar.   Það er alltaf gaman að fá tækifæri til að velta upp ólíkum hugmyndafræðilegum forsendum úrræða sem gerist mun oftar með Vinstri grænum en með Samfylkingu sem oftar ræðir útfærslur eða málamiðlanir.

Athugasemdir

[Steingrímur (IP-tala skráð) 4.9.2007 kl. 23:29]

Fáránleg spurning.

Fyndist þér ekki jafn fáránlegt ef ég spyrði hvort það væri gáfulegt að vera með markaðsstýrt hagkerfi í kerfi þar sem í umhverfi þar sem þar sem markaðurinn nær ekki að anna eftirspurn eftir fólki sem við þurfum sem mest á að halda í dag?

[Elías Theódórsson, 5.9.2007 kl. 10:36]

Það er ekkert nýtt að vinstri menn vilji aukna skattheimtu og forsjárshyggju.

Neðangreind tilvitnun er tekin úr samþykkt landsfundar sjálfstæðismanna 2007.

"Í samræmi við grundvallarreglu að fé fylgi barni áréttar landsfundur að engu skipti hvort sá styrkur fari til opinberra aðila, einkaaðila eða til heimilisins sjálfs".    Hvenær verður þett sett í framkvæmd?

Ef þetta yrði framkvæmt gæti það verið liður í að leysa ástandið ásamt því að auka valfrelsi. Það eru til foreldrar sem kjósa að ala up sín börn sjálf, en það þarf að gera þeim það mögulegt með fjárhagslegri umbun þar sem uppeldi á leikskólum er niðurgreitt af almannafé. Við þetta losna pláss á leikskólum.