Heelys, Wheelies, X-rollers og Tweelies

Fyrir helgi kom skeyti frá Fossvogsskóla skóla sona minna um að ekki væri í lagi að vera á hjólaskóm í frímínútum.   Ekki skrýtið segi ég, þetta hlýtur að hafa jafn truflandi áhrif á kennslu og ef börnin væru á hjólaskautum eða hjólabrettum í útikennslu.

Þetta er hins vegar frábært leikfang.  Svo virðist sem (segja strákarnir) að næstum allir séum komnir á eina eða aðra týpu af þessum hjólaskóm og það er líklega skrautlegt að sjá alla krakkana á þessu í frímínútum á skólalóðunum.  Synir mínir báðir eiga svona hjólaskó og þeir hafa verið einstaklega vinsælir á heimilinu.   Þetta ,,leikfang" hefur haft þau áhrif að þeir eru miklu meira úti, miklu meira til í að fara með okkur í göngutúr og þjálfast í fínhreyfingum.   Það eru án efa einhverjir sem hafa dottið og meitt sig, en eins og einhver læknirinn sagði:  ,,Auðvitað geta þau slasað sig á þessu en þau eru þó að minnsta kosti úti að hreyfa sig!".  

 

 

Athugasemdir

[Högni Jóhann Sigurjónsson, 2.9.2007 kl. 11:13]

Ég er nú löngu hættur að skilja hvernig stendur á því að fólk sé enn til á Íslandi þegar leiksvæði einnar kynslóðar voru svæðin í kringum herinn, annarar í húsbyggingum og skipa og bátaskrokkum og enn annara og þá nokkura við höfnina, í klettaklifri, sjósundi, við prammasiglingar ofl.ofl. nú meiga þau bara alls ekki hreyfa sig enn hreyfa sig samt ekki nóg og svo er nú að koma vetur og þá verður þessum leikföngum nú lagt. Ég held að stór hluti af "uppeldissfagfólki" þurfi að ræða oftar við félagsráðgjafa.

[Halla Rut , 2.9.2007 kl. 19:14]

Sammála Högna enda eru stæri hlutir sem sumir foreldrar þurfa að hafa áhyggjur af eða er það ekki Þorbjörg.

[Ragnar Bjarnason, 4.9.2007 kl. 11:24]

Úti að hreyfa sig er svolítið lykilatriði í þessu