Æ, en leiðinlegir bakþankar

Eins og ég er alltaf ánægð með bakþanka og þætti Dr. Gunna þá finnst mér pistillinn í dag (26. júlí) afar súr.   Pistillinn er neikvæður og endurspeglar hugmyndir þeirra sem finnst Ísland vera smáborgaralegt land.  Endurspeglar gagnrýni á landsbyggðina og líkir henni við Strætó.  Ég vona að Dr. Gunni ætli ekki hringinn á næstunni því hann á ekki marga vini úti á landi eftir þennan pistil.

Almennt finnst mér steikt að dæma harkalega hópa sem maður samsamar sig ekki sem hluta af.   Eins og í þessu tilfelli notendur Strætó og íbúa úti á landi.   Okkar hlutverk er að skilja aðstæður allra og styðja við framþróun í þeirra málum ef þess er kostur - ekki að gagnrýna og nöldra.  Það hefði að minnsta kosti hinn mikli höfðingi Einar Oddur sagt.

 

Athugasemdir

[Skarfurinn, 26.7.2007 kl. 09:24]

Nú dæmir þú sjálf doktorinn harkalega, má enginn hafa aðra skoðun en þú ? mér finnst annars að þú sem kjörinn  borgarfulltrúi ættir að reyna að standa þig betur í leikskólamálunum áður en þú ferð að ybba gogg.

[Sigrún Magnúsdóttir (IP-tala skráð) 26.7.2007 kl. 14:34]

Eeeemmm, hefur höfundur tekið strætó nýlega? Lufsan hans dr. Gunna er utan af landi svo ég held að þetta séu ekki illa meint!

[Sigrún Magnúsdóttir (IP-tala skráð) 26.7.2007 kl. 14:34]

...fannst þetta frekar gagnrýni á stjórnvöld!

[Guðríður Hrefna Haraldsdóttir, 26.7.2007 kl. 14:37]

Mér fannst dr. Gunni ráðast persónulega á mig þar sem ég bý úti á landi og tek strætó í bæinn á hverjum morgni - ALSÆL! Eða þannig. Húmorinn hans hefur kannski verið svolítið djúpur í dag og erfitt að skilja hann. Er þó sammála með dr. Gunna, hann skrifar frábæra pistla og enn skemmtilegri bloggfærslur. Hann öfundar mig ábyggilega af stórkostlegum strætóferðum mínum og því að búa á Skaganum!  

[Bjarni Bragi Kjartansson, 26.7.2007 kl. 15:57]

Þú ert eitthvað að misskilja Doktorinn Þorbjörg Helga, renndu nú yfir þetta einu sinni enn og muna að kafa aðeins dýpra :-)

Þetta er ekki ádeila fólkið sjálft eða landsbygðina heldur miklu frekar hvernig allt virðist stefna í sömu átt og við sogumst með inn í þjóðfélagsmódelið; Allir í þéttbýlið á einkabílum sveitin og dreyfbýlið er til einskis nýtt nema kannski til að bruna þangað á jeppunum okkar þegar okkur hentar.

Hann meira að segja gefur í skyn að hann langi til að flytja út á land þar sem fólk sé, jah. kannski nær sjálfu sér og því sem skipti máli og lifi rólegra og eðlilegra lífi.

[Skarfurinn, 27.7.2007 kl. 16:02]

Þú ert óþarflega viðkvæm Guðríður, þú misskilur greinina held ég, en ertu ekki ánægð að fá frítt daglega með vagninum til og frá Akranesi, það finnst mér mikill lúxus sem ber að þakka fyrir.