K bekkur í Hvassaleitisskóla

Ég fékk það skemmtilega verkefni um daginn að segja frá fyrsta skóladeginum mínum í Blaðinu.  Í kjölfarið sendi gamall bekkjabróðir minn úr Hvassaleitisskóla bekkjarmynd af K-bekknum og Margréti Skúladóttur bekkjarkennaranum okkar sem við dáðum öll og gerum enn.

Ég birti myndina að gamni og vona að bekkjarfélagar mínir láti heyra í sér.   Ég vona að ég sé með nöfn allra rétt að neðan.  Ég held ég viti hvar flestir eru í dag en þó ekki allir!   Margréti hitti ég af tilviljun á föstudaginn var og gat sagt henni að saga um hana væri að birtast daginn eftir í Blaðinu.  Þokkaleg tilviljun fannst mér enda hafði ég ekki hitt Margréti í mörg ár.    Þessi bekkur á 20 ára útskriftarafmæli næsta vor.

 

 

 

 

 

 

 

 

 

 

 

• Margrét kennari, Eva, Áslaug, Guðrún, Þórunn, Margrét, Sigurjón, Þórhallur, Jón Ingi, Valdimar.
• Ingibjörg, Kristín, Elín, Smári, Jason, Kári.
• Ásta, Hlín, Helen, Ingibjörg, Þorbjörg, Svanur, Heimir, Birnir og Hrafn.

Athugasemdir

[Herdís Sigurjónsdóttir, 23.8.2007 kl. 08:22]

Skemmtileg saga og gaman að skoða gamlar skólamyndir og rifja upp gamla skóladaga.

[Jason Kristinn Ólafsson (IP-tala skráð) 23.8.2007 kl. 14:23]

Gaman að sjá þessa mynd Tobba mín. Kennararnir okkar í Hvassó voru hreint út sagt meiriháttar. Annars fór ég með Viktoríu, yngstu stelpuna mína í skólann í hádeginu til að hitta kennarann í 6 ára bekk í Setbergsskóla. Fyrsti skóladagurinn hennar Viktoríu verður á morgun!
kv. jason

[Unnar Óli Ólafsson, 23.8.2007 kl. 22:52]

Ég var ekki einu sinni fæddur þegar þú varst að útskrifast, en samt var Magga Skúla líka umsjónarkennarinn minn mest allan tímann í Hvassó
Var ábyggilega með marga sömu kennarana og þú; Hafliða Kristins, Hauk Ísfeld, Halldór og fleiri. Bara gaman í þessum skóla.

[Sigurjón Atli Sigurðsson (IP-tala skráð) 2.9.2007 kl. 16:23]

Fyndið - rakst á þetta blogg þitt af einskærri tilviljun - gaman að sjá gömlu bekkjarmyndina sína.

(Reyndar held ég að sá sem þú nefnir Júlíus heiti Kári.)
 

[Elín Björk Ásbjörnsdóttir (IP-tala skráð) 5.9.2007 kl. 19:47]

Rétt hjá Sigurjóni,  mundið þið ekki eftir bekkjarpartýum sem Kári hélt í Furugerði.

Mér finnst þetta rosalega flott mynd af okkur.

Kveðja Elín 

[Þorbjörg Helga Vigfúsdóttir, 11.9.2007 kl. 09:49]

Rétt hjá ykkur Sigurjón og Elín.  Ég er búin að breyta nafni Júlíusar í Kára.   Við vorum með Júlíusi í bekk líklega fyrr en þessi mynd er tekin. 

Það er gaman að segja frá því að á sunnudaginn hitti ég bæði Gunnhildi Óskarsdóttur og Kolfinnu Bjarnadóttur afar sprækar á myndlistasýningu.  Það er magnað að hafa hitt alla þrjá bekkjarkennarana núna á tveimur vikum tæpum.  Fólk sem maður sér ekki lengi lengi.