Fyrsti fundur leikskólaráðs

Fyrsti fundur leikskólaráðs var haldinn á föstudaginn. Þetta var að mínu mati góður fundur og þarna gafst tími til að ræða mörg stefnumótandi mál skólastigsins.

Ráðið fagnaði nýlegum lækkunum á leikskólagjöldum með bókun og stofnaði formlega til hvatningaverðlauna leikskólaráðs. Markmið verðlaunanna er að veita leikskólum jákvæða hvatningu í starfi, vekja athygli á því gróskumikla starfi sem fer fram í leikskólum Reykjavíkur og stuðla að auknu nýbreytni- og þróunarstarfi í leikskólum Reykjavíkur. Auglýst verður eftir tilnefningum í byrjun nóvember og foreldrar, kennarar, skólar, starfsmenn og aðrar borgarstofnanir geta tilnefnt til verðlaunanna. Verðlaunin verða veitt sex skólum á hverju ári. Í valhópnum verða þrír fulltrúar úr leikskólaráði, fulltrúi leikskólasviðs, fulltrúi samtakanna Börnin okkar og fulltrúi félags leikskólakennara.

Kallað var eftir mikið af gögnum til að hægt verði að taka ákvörðun um stuðning við yngstu börnin í borginni. Það er allt of mikið bil á milli þeirra greiðslna sem foreldrar þurfa að inna af hendi fyrir þjónustu fyrir 18 mánaða þegar leikskólar taka við. Foreldrar þurfa að greiða fyrir þjónustu dagmæðra frá 45.000-60.0000 á mánuði en síðan þegar barn fær vistun í leikskóla hrapar gjaldið niður í tæpr 20.000 kr á mánuði. Þennan mun verður að jafna. Fundargerð 1. fundar.

« Síðasta færsla | Næsta færsla »

Bæta við athugasemd

Hver er summan af tíu og ellefu?
Nota HTML-ham

Innskráning

Ath. Vinsamlegast kveikið á Javascript til að hefja innskráningu.

Hafðu samband